АҚШ баскетбол терма жамоаси Олимпиада чоғида круиз лайнерида яшайди

Аксинча, бу терма жамоа маҳобатли круиз лайнеридан қўним топишади ҳамда расмий ўйинлар ва машғулотларга ўша ернинг ўзидан қатнашади. Silver Cloud номли лайнер Рио-де-Жанейро қирғоқларидан жой олади.

Таъкидлаш жоиз, ушбу лайнерга нафақат эркаклар терма жамоаси, балки баскетбол бўйича АҚШ аёллар терма жамоаси ҳам жойлашади. Бу ерда барча шароитлар яратилган. Узунлиги 150 метрни ташкил қилувчи пароходда ресторанлар, казино, тренажер зали, кутубхона, гўзаллик салони, барлар ва бассейнлар бор.

Маҳобатли лайнерда бир ҳафта яшаш ҳаражатлари 12000 еврони ташкил қилади. 4 август куни Риога яна бир лайнер етиб келади. Унда баскетболчиларнинг оила аъзолари жой олишади.

Маълумот учун, АҚШ эркаклар ва аёллар баскетбол терма жамоалари 1992 йилги Барселона Олимпиадасидан бошлаб то шу кунга қадар ўтказилган барча олимпия ўйинларида алоҳида жамоа бўлиб яшаб келишяпти.