Арнольд Шварценеггер Кличконинг машғулотига ташриф буюрди

Профессионал бокснинг супероғир вазн тоифасида собиқ жаҳон чемпиони Владимир Кличко (64-4, 53 KO) 3та йўналиш чемпиони бўлиб турган британиялик Тайсон Фьюрига (25-0, 18 КО) қарши ўтказиладиган реванш жангига тайёргарлик кўряпти.

Кличконинг машғулоти Австриянинг Гоинг шаҳрида ўтказиляпти. Шварценеггер Владимир билан дўстона муносабатларни ўрнатган. “Терминатор” айнан Австрияда дунёга келган.

Эслатиб ўтамиз, Владимир Кличко ва Тайсон Фьюри ўртасидаги реванш жанги 29 октябрь куни Манчестер шаҳрида бўлиб ўтади. Британиялик боксчи айни пайтда WBA, IBO ҳамда WBO йўналишлари чемпиони бўлиб турибди.