"Арсенал" Рафинья учун курашда етакчилик қилмоқда

"Канонирлар" аллақачон вингер Маркиньос ("Сан-Паулу") ва ярим ҳимоячи Фабиу Виейра ("Порту") билан шартнома имзолашган. Шунингдек, жамоа Эдди Нкетиа билан ҳам келишувни узайтирди.

Энди "Арсенал" бош мураббийи Микель Артета "Лидс" вингери Рафиньяни ўз жамоасига таклиф қилмоқчи. "The Athletic" журналисти Дэвид Орнштейн хабарига кўра, "канонирлар" 25 ёшли бразилиялик футболчини ёзги трансфер ойнасида қўлга киритиш ниятида. Қайд этилишича, Лондон клуби аллақачон футболчининг трансфер бозоридаги нархидан чўчиётган "Барселона"дан ташаббусни тортиб олган.

Рафиньянинг "Лидс" билан шартномаси 2024 йилгача мўлжалланган. У 2020 йилнинг кузида "Ренн"дан Англия клубига ўтган эди. Transfermarkt маълумотларига кўра, футболчининг трансфер нархи 45 миллион еврони ташкил қилади.