“Astana Arlans” - “Uzbek Tigers”. Боксчиларимиз сафарга отланишди

“Zhastar Sports Palace” аренасида ўтказиладиган бокс оқшомида Қозоғистоннинг “Astana Arlans Kazakhstan” ҳамда Ўзбекистоннинг “Uzbek Tigers” жамоалари ўзаро тўқнаш келишади.

Бугун “Uzbek Tigers” жамоаси Толдиқўрғон шаҳрига жўнаб кетади. 17 февраль куни боксчилар тарозидан ўтишса, 18 февралда 5та вазн тоифасида жанглар бўлиб ўтади.

Маълумот учун, “С” гуруҳидан “Uzbek Tigers”, Хитойнинг “China Dragons”, Россиянинг “Patriot Boxing Team” ҳамда “Astana Arlans Kazakhstan” жамоалари жой олган.

“Uzbek Tigers” жамоаси таркиби:

52 кг: Аброржон Қодиров

60 кг: Муроджон Аҳмадалиев

69 кг: Шаҳрам Ғиёсов

81 кг: Бектемир Мелиқўзиев

+91 кг: Баҳодир Жалолов

Терма жамоа мураббийлари штабидан Тўлқин Қиличев, Раҳматжон Рўзиохунов ва Равшан Хўжаев жой олишган. Жамоа шифокори Комилжон Расулов.