25 ноя 12:15
Янгиликлар
Теннис
Астанадаги ўзбек дербисида Истомин Исмоиловни мағлуб этди
Қозоғистоннинг Астана шаҳри мезбонлик қилаётган теннис бўйича соврин жамғармаси 50 минг АҚШ долларини ташкил қилувчи “Челленжер” туркумидаги турнир ўзининг қизғин палласига кирди.
Бугун Astana Challenger “Capital Cup” турнирининг яккалик баҳсларида ярим финал, жуфтликлар мусобақасида эса ҳал қилувчи финал учрашуви бўлиб ўтмоқда.
Эътиборлиси, яккалик баҳсларининг иккинчи ярим финал учрашуви ўзбек дербисига айланди. Мамлакатимизнинг биринчи ракеткаси Денис Истомин яна бир терма жамоамиз аъзоси Темур Исмоиловга қарши кортга чиқди.
Уч сет давом этган ўйинда тажрибали Истомин 6:2, 6:7, 6:3 ҳисобида зафар қучди. Унинг бош мукофот учун баҳсдаги рақиби Йошихито Нишиока бўлади. Япониялик бу теннисчи турнирнинг биринчи ракеткаси хисобланади.
Ҳавола :
Манба : olamsport.com
Фикрлар