Australian Open. Истомин турнирда қанча пул ишлаб топиши мумкин?

Бировни пулини ҳисоблаш яхши эмаску-я, лекин мухлисларимиз учун қизиқ бўлишини инобатга олган ҳолда айтишимиз мумкинки, Истомин учинчи босқичга йўлланмани қўлга киритиш баробарида, ўзи учун 95 минг АҚШ долларини нақд қилиб қўйди.

Умумий соврин жамғармаси 37,3 миллион доллар (50 миллион Австралия доллари) ҳисобланган "Улкан тож" мусобақаси яккалик баҳслари ғолиби регламентга биноан 2, 76 миллион доллар ишлаб олади. Финалда мағлубиятга учраган теннисчи эса 1,42 миллион долларга бойийди.

Қолган теннисчиларга эса мукофот қуйидагича тақсимланади:

Ярим финал мағлублари: 670 000 $

Чорак финал: 335 000 $

4-босқич: 165 000 $

3-босқич: 95 000$

2-босқич: 60 000$

1-босқич: 30 000$


Эслатиб ўтамиз, теннисчимиз энди 4-босқич йўлланмаси учун испаниялик Пабло Бастага қарши кортга чиқади. Ушбу баҳс 21-январь куни бўлиб ўтади.