Australian Open. Нигина Абдураимова иштирокидаги баҳс 3 сет давом этди

Ҳозиргина мусобақанинг аёллар ўртасидаги саралаш баҳслари доирасидаги биз учун аҳамиятли учрашув якунига етди. Унда ҳамюртимиз Нигина Абдураимова иккинчи даврада саралашнинг 11-ракеткаси, америкалик Кэти Колинецга қарши кортга чиқди. 

Икки соату 28 дақиқа давом этган учрашувда дунёнинг 115-ракеткаси бўлиб турган Кэти 6/1, 4/6, 7/6(тай-брекда 10/4) ҳисобларида ғалаба қозониб, учинчи босқичга йўл олди. Абдураимова учинчи сетда матч-болдан чиқиб кетиш баробарида баҳсни тай-бреккача олиб боргани ва ҳатто 3/1 ҳисобида олдинда борганини айтиш жоиз. 

Таққослаш учун, Нигина WTA рейтингида 176-поғонада бормоқда. Абдураимова илк даврадаги ғалабаси учун WTA рейтинги учун 20 очко ҳамда 36 575 австралия доллари (бугунги курс бўйича 25 353 АҚШ доллари атрофида) пул ишлаб олганди.