29 дек 09:30
Янгиликлар

Шахмат

Аёллар ўртасида ҳам рапид йўналишида жаҳон чемпиони аниқланди + Жадвал

Польша пойтахти Варшава шаҳрида шахматнинг рапид ва блиц йўналишларида жаҳон чемпионати давом этмоқда.

Хабар берганимиздек, жаҳон чемпионатининг рапид йўналишида ҳамюртимиз, 17 ёшли гроссмейстер Нодирбек Абдусатторов номдор рақибларини енгиб, чемпионликка эришганди. У ҳал қилувчи тай-брекда яқиндагина жаҳон тожи учун матчда иштирок этган россиялик Ян Непомняшийни 1,5:0,5 ҳисобида мағлуб этди.

Аёллар ўртасидаги рапид йўналиши ғолибини аниқлаш учун эса тай-брекка ҳожат қолмади. Россиялик Александра Костенюк 11 имкониятдан 9 очко жамғариб, жаҳон чемпионига айланди. Қозоғистонлик Бибисара Ассаубаева кумуш, яна бир рус шахмат маликаси Валентина Гунина бронза медалига сазовор бўлди.