06 июн 18:59
Янгиликлар
Бокс/ММА
Баҳодир Жалолов Қирғизистонга жўнаб кетди ФОТО
Профессионал бокснинг супероғир вазн тоифасида ўз жангларини ўтказиб келаётган ҳамюртимиз Баҳодир Жалолов бугун Қирғизистонга жўнаб кетди.
Жалолов таътилни Ўзбекистонда ўтказиш учун келиб, орада Таиланддаги Осиё чемпионатида иштирок этди ва олтин медални қўлга киритди. Рамазон рўзаси ҳамда Ҳайит байрамини она ватанда ўтказган Баҳодир бугун қўшни давлатга жўнаб кетди.
Аниқроғи, у Иссиқкўлда 15 кун давомида ўқув-машғулот йиғинини ўтказади. Жалолов билан бирга машғулотларда жаҳон чемпионлари Дмитрий Бивол ва Сергей Кузьмин ҳам иштирок этади.
Эслатиб ўтамиз, Жалолов 11 апрель куни Нью-Йорк шаҳрида проф боксдаги олтинчи жангини америкалик Брендан Барреттга қарши ўтказиб, NABF чемпионлик камарига эга чиққанди. Олти раундга мўлжалланган жангда боксчимиз биринчи раунднинг ўзидаёқ рақибини нокаутга учратган эди.
Ҳавола :
Манба : olamsport.com
Фикрлар