Балотеллининг қизил карточкаси бекор қилинди

Италиялик футболчи мамлакат чемпионатининг 8-турида “Лорьян” (2:1) клубига қарши кечган учрашувда қизил карточка олган эди. Майдондан четлатилиши олдидан у гол киритишга ҳам муваффақ бўлганди.

Франция футбол федерацияси тартиб-интизом қўмитаси вазиятни қайта кўриб чиққач, Марионинг карточкасини бекор қилди. Lequipe нашрининг хабарига кўра, бош ҳакам Оливье Тюаль ўз хатосини тан олган.

Шу тариқа, 26 ёшли Балотелли 14 октябрь куни “Лион”га қарши кечадиган учрашувда майдонга туша олади. Марио Франция чемпионатида 3та учрашувда майдонга тушиб, 5та гол киритган.