09 окт 11:15
Янгиликлар
Бокс/ММА
Биспинг икки бор нокдаунга тушишига қарамай, камарини ҳимоя қилди
Англиянинг Манчестер шаҳрида аралаш қоидалар бўйича UFC 204 шоуси бўлиб ўтди.
Оқшомнинг марказий жангида ўрта вазн тоифасида UFC чемпиони Майкл Биспинг собиқ жаҳон чемпиони Дэн Хендерсонга қарши бахс олиб борди. Биринчи раунд сўнггида Хендерсон Биспингни нокдаун ҳолатига тушириб қўйди.
Лекин британиялик жангчи вазиятдан чиқиб кетишда ўзида куч топа билди. Иккинчи раунд Биспингнинг яққол устунлиги билан бошланди. Аммо, яна ўша ҳолат, раунд сўнггида Хендерсон ўнг томондан берган кучли зарбаси эвазига чемпионни нокдаунга туширди.
Бу сафар ҳам Майкл оёққа туришга муваффақ бўлди. Қолган раундларда мезбон спортчининг устунлиги сезилиб турди. Якунда уччала ҳакам ҳам 48-47, 48-47, 49-46 ҳисобида Биспингнинг ғалабасини таъминлашди.
Ҳавола :
Фикрлар