14 янв 13:30
Янгиликлар

Футбол

Бугун Африка миллатлар кубоги старт олади

Бугун, 14 январь куни Габон мамлакатида ҳисоб бўйича 31-Африка миллатлар кубоги мусобақаси бошланади.

Унда қора қитъанинг энг кучли 16та терма жамоаси бош соврин учун кураш олиб боради. Чемпион шу йил Россияда бўлиб ўтадиган Конфедерациялар кубоги мусобақасида ҳам иштирок этиш имкониятини қўлга киритади.

Мусобақа ўйинлари Габон мамлакатининг тўрт шаҳрида жойлашган тўрт стадионда бўлиб ўтади. Баҳслар бўлиб ўтадиган шаҳар ва стадионлар:

Либревиль - "Стад Де Амитие" (40000 томошабин)
Францевиль - "Стад Де Францевиль" (22000)
Ойем - "Стад Д'Ойем" (20000)
Порт-Жентиль - "Стад Де Порт-Жентиль" (20000)

Мусобақада иштирок этиш бўйича Миср терма жамоаси мутлоқ рекордчи. "Фиръавнлар" бу йил 23-марта қитъа кубогида қатнашишади. Ундан кейинги ўринларда Кот-д’Ивуар (22 марта) ва Гана (21 марта) жамоалари қайд этилишган. Гвинея-Бисау терма жамоаси бу йил илк бор Африка кубоги финал босқичида иштирок этади. Уганда эса 1978 йилдан бери мусобақада илк бор қатнашади.

Миср терма жамоаси чемпион бўлишда ҳам қитъада рекордчи. Бу терма жамоа 7 марта Африкада тенгсиз бўлган. Сўнгги бор Миср 2010 йилда чемпионликка эришганди. Гана ҳамда Камерун терма жамоалари 4 мартадан чемпионликни нишонлашган.

Бу йилги мусобақада иштирок этаётган яна ДР Конго, Марокаш, Жазоир, Кот-д’Ивуар ва Тунис терма жамоалари ҳам камида бир мартадан Африка кубогини қўлга киритишган.

Сўнгги Африка кубоги бундан икки йил олдин Экваториал Гвинеяда бўлиб ўтганди. Ўшанда Кот-д’Ивуар терма жамоаси финалда Ганани пенальтилар сериясида мағлуб этиб чемпионликка эришганди. Айни пайтда Яя Туре ва Дидье Дрогбанинг собиқ жамоаси Африканинг амалдаги чемпиони ҳисобланади.

АФРИКА МИЛЛАТЛАР КУБОГИ-2017

"A" гуруҳи: Габон, Буркина-Фасо, Камерун, Гвинея-Бисау
"В" гуруҳи: Жазоир, Тунис, Сенегал, Зимбабве
"С" гуруҳи: Кот-д’Ивуар, ДР Конго, Марокаш, Того
"D" гуруҳи: Гана, Мали, Миср, Уганда

1-тур
14 январь
21:00 - Габон - Гвинея-Бисау
23:55 - Буркина-Фасо - Камерун

15 январь
21:00 - Жазоир - Зимбабве
23:55 - Тунис - Сенегал

16 январь
21:00 - Кот-д’Ивуар - Того
23:55 - ДР Конго - Марокаш

17 январь
21:00 - Гана - Уганда
23:55 - Мали - Миср

Ҳавола :

Манба : championat.asia

Рейтинг:

15:57

Олимпиада саралаши: Ўзбекистон дастлабки ўйинда Австралияга имкониятни бой берди 0

14:48

Олимпиадагача иккита ўйин қолди: Ўзбекистон аёллар терма жамоасининг плей-офф ўйинлари учун таркиби маълум 0

10:48

Кот-дʼИвуар ушбу натижага эришган тарихдаги илк Африка жамоаси 0

Фикрлар

< сўнгги янгиликларни кўриш

14 янв 13:30 Янгиликлар

Бугун Африка миллатлар кубоги старт олади

Ўхшаш янгиликлар

14 янв 13:30
Янгиликлар