25 ноя 08:10
Янгиликлар
Теннис
Бугун Астанада ўзбек дербиси: Истомин - Исмоилов
Қозоғистоннинг Астана шаҳри мезбонлик қилаётган теннис бўйича соврин жамғармаси 50 минг АҚШ долларини ташкил қилувчи “Челленжер” туркумидаги турнир ўзининг қизғин палласига кирди.
Бугун Astana Challenger “Capital Cup” турнирининг яккалик баҳсларида ярим финал, жуфтликлар мусобақасида эса ҳал қилувчи финал учрашуви бўлиб ўтади.
Эътиборлиси, яккалик баҳсларининг ярим финали ўзбек дербисига айланади. Мамлакатимизнинг биринчи ракеткаси Денис Истомин яна бир терма жамоамиз аъзоси Темур Исмоиловга қарши кортга чиқади.
Эътиборлиси, дунё рейтингида 528-поғонадан жой олган Исмоилов мусобақа кашфиётига айланди. У аввалига дунё рейтингида 175-ўринни эгаллаб турган россиялик Александр Кудрявцев, кейин эса яна бир рус теннисчиси, рейтингда 214-поғонадан жой олган Александр Бубликни мағлуб этди.
Ҳавола :
Манба : olamsport.com
Фикрлар