Бугун италиялик теннис маликаси таваллуд топган кун

Франческа Скьявоне - 1980 йил 23 июнда Италиянинг Милан шаҳрида туғилган. Теннис маликасининг ота-онаси шифокор бўлишган. Скьявоне 1998 йилдан бошлаб профессионал теннис билан шуғулланиб келади. 

Фаолияти давомида 8 та WТА турнирида зафар қучган. Мусобақалардан жами 11 миллион 324 минг 245 АҚШ доллари миқдоридаги пул мукофотига эга бўлган. 

Франческа 2010 йилда "Ролан Гаррос", яъни Франция Очиқ чемпионати бош совринини ҳам қўлга киритишга муваффақат бўлган. WТА рейтингидаги энг яхши натижаси 2011 йил январь ойига тўғри келади. Ўшанда у рейтингнинг тўртинчи поғонасини қайд этилган. 

Шунингдек, Скьявоне Италия терма жамоаси сафида ҳам мунтазам фаолият олиб борган. 2004 йилда Италия терма жамоаси шарафини Афина Олимпиадасида муносиб ҳимоя қилиб, чорак финалга қадар етиб борган. Бундан ташқари терма жамоаси билан 2006, 2009 ва 2010 йилларда Федерация Кубоги (Fed Cup)да ғолиб бўлган.

Франческа Скьявоне теннисдан бўш вақтларида дўстлари билан ресторанларга боришни, мусиқа тинглашни ёқтиради.