15 окт 07:35
Янгиликлар

Теннис

Бугун Шанхай “Мастерс”ида Федерер - Надаль қарама-қаршилиги

Бугун Хитойнинг Шанхай шаҳрида давом этаётган “Мастерс” сериясига кирувчи нуфузли теннис турнирининг яккалик баҳсларида ғолиб аниқланади.

Ҳал қилувчи финал учрашувида замонамизнинг икки буюк теннисчиси ўзаро тўқнаш келади. Дунёнинг биринчи ракеткаси испаниялик Рафаэль Надаль сайёрамизнинг иккинчи рақамли теннисчиси швейцариялик Рожер Федерерга қарши кортга чиқади.

Икки теннисчининг ўзаро сўнгги бешта ўйинининг тўрттасида Федерер ғалабага эришган. Иккала теннисчи ҳам ўзларининг охирги бешта учрашувларида рақибларини мағлубиятга учратишган. Бугунги Надаль -Федерер баҳсининг Тошкент вақти билан соат 13:30да бошланиши кутиляпти.