18 окт 08:06
Янгиликлар
Шахмат
Бугун Тошкентда “Титанлар жанги” старт олади
Бугун пойтахтимизда яна бир нуфузли мусобақа – Шахмат Юлдузлари турнири бошланади.
Буюк саркарда ва давлат арбоби Амир Темур таваллудининг 680-йиллигига бағишлаб ўтказилаётган ушбу супер турнирда дунё тан олган тўрт нафар гроссмейстер иштирок этади.
Озарбайжонлик Шахрияр Мамадияров 2013 йили блиц йўналишида жаҳон чемпиони бўлган. Исроиллик Борис Гельфанд 2009 йилда Жаҳон Кубоги соҳибига айланган. Украиналик Руслан Пономарев 2002-2003 йилларда жаҳон чемпионлигига эришган. Ҳамюртимиз Рустам Қосимжонов эса 17-жаҳон чемпиони хисобланади.
Бугун “Миран” меҳмонхонасида мусобақанинг тантанали очилиш маросими бўлиб ўтади. Шахмат Юлдузлари турнирининг умумий мукофот жамғармаси 50 минг Америка Қўшма Штатлари долларини ташкил этади. Ғолиб гроссмейстер 20 минг долларга эга бўлади.
Ҳавола :
Манба : olamsport.com
Фикрлар