Бугун "Uzbek Tigers" қозоғистонлик боксчиларга қарши жанг ўтказади

Маълумот учун, бугунги учрашув "Ўзбекистон" спорт мажмуасида соат 19.00да бошланади. Бу икки жамоанинг илк даврадаги учрашувида қозоғистонлик боксчилар 4:1 ҳисобида зафар қучишганди. 

Бугун қуйидаги тўқнашувлар гувоҳига айланамиз:

- 49 кг: Ҳасанбой Дўсматов (Олимпиада чемпиони) - Темиртас Жусупов (Осиё чемпиони)

- 56 кг: Абдулҳай Шораҳматов (Ўзбекистон чемпиони) - Илёс Сулейменов (Осиё ўйинлари ғолиби)

- 64 кг: Элнур Абдураимов (Жаҳон чемпионати совриндори) - Дилмурод Мижитов (Қозоғистон чемпионати совриндори)

- 75 кг: Исроил Мадримов (Осиё ўйинлари совриндори) - Сапарбай Айдаров (Қозоғистон чемпиони)

- 91 кг: Зуҳриддин Маҳкамов (Ўзбекистон чемпиони) - Антон Пинчук (Осиё ўйинлари ғолиби)

Кеча боксчилар иштирокида вазн ўлчаш маросими бўлиб ўтди.

Бундан ташқари кеча бўлиб ўтган матбуот анжуманида мураббий Тўлқин Қиличев ўз фикрларини билдириб ўтди.

Жанглар "Спорт ТВ" орқали тўғридан-тўғри эфирга узатилади.

Боксчимиз Исроил Мадримов эса ўз ғалабасини яна сальто отиб нишонлашни режалаштирмоқда.

Сиз нима деб ўйлайсиз? Бугунги тўқнашувда қандай ҳисоб қайд этилади?