CAS Мария Шарапованинг дисквалификациясини қисқартирди

Шарапова шу йилнинг 8 июнь куни Халқаро теннис федерацияси (ITF) томонидан 2 йилга барча турдаги теннис фаолиятидан четлатилган эди. Машанинг қон таркибидан тақиқланган мельдония моддаси топилганди.

Жазони ўташ муддати 2016 йилнинг 26 январидан кучга кирганди. 14 июнь куни эса дунёнинг собиқ биринчи ракеткаси ITF қарори юзасидан Спорт арбитраж судига шикоят хати билан мурожаат қилган эди.

CAS ишни кўриб чиқиб, Шарапованинг 2 йиллик дисквалификациясини 2 йилдан 1 йилу 3 ойга камайтирди. Энди Шарапова 2017 йилнинг 26 апрель кунидан мусобақаларда иштирок этиши мумкин бўлади.