12 ноя 10:55
Янгиликлар
Теннис
Цибулкова — октябрь ойининг энг яхши теннисчиси!
Словакиялик Доминика Цибулкова WTA томонидан октябрь ойининг энг яхши теннисчиси деб топилди.
Бу ҳақда WTA расмий сайтида хабар берилди. Цибулкова дунёнинг октябрь ойидаги энг яхши теннисчини аниқлаш учун ўтказилган сўровномада польшалик Агнешка Радваньска ва германиялик Анжелик Керберни ортда қолдирди.
Доминика сўровда 55 фоиз овоз тўплади. Радваньска 33, дунёнинг биринчи ракеткаси бўлган Кербер эса 12 фоиз овоз олишга эришди.
Эслатиб ўтамиз, Доминика Цибулкова октябрь ойида Сингапурда ўтган ва дунёнинг саккиз нафар энг кучли теннисчиси иштирок этган йилнинг Якуний WTA турнирида бош мукофотни қўлга киритган эди.
Ҳавола :
Фикрлар