Cўнгги лицензион турнирда иштирок этадиган эркин курашчиларимиз таркиби маълум

Жаҳон лицензион турнирида ҳар уччала йўналиш бўйича терма жамоаларимиз йўлланмалар учун баҳс олиб боради. Эркин кураш баҳсларида 3 та вазн тоифасида полвонларимиз гиламга чиқади. Мураббийлар штаби Бишкекдаги Осиё лицензион турнирида бу имкониятдан фойдалана олмаган эркин курашчиларга яна ишонч билдиришди. 

-65 кг вазн тоифасида ёшлар ўртасидаги барча мусобақаларда ғолиб бўлишга муваффақ бўлган Умиджон Жалолов, -97 кг вазнда энг тажрибали курашчимиз, Рио-2016 Олимпиадаси бронза медали совриндори 39 ёшли Магомед Ибрагимов ҳамда -125 кг вазнда Ҳасанбой Раҳимов Истанбул гиламларида юртимиз шарафини ҳимоя қилади.    

Лицензияни қўлга киритган эркин курашчиларимиз:

-57 кг: Ғуломжон Абдуллаев

-74 кг: Бекзод Абдураҳмонов

-86 кг: Жавраил Шапиев