16 окт 11:50
Янгиликлар

Футбол

Давид де Хеа: "МЮда узоқ вақт қолиб, рекордлардан ўзиб кетишни истайман"

"Манчестер Юнайтед" посбони Давид де Хеа клубдаги фаолиятини давом эттиришни истайди.

"Бу менинг клубим, ўзимни доим яхши ҳис қиламан. Ҳозирча яхши ўйин кўрсатяпман ва бу ерда кўпроқ мавсумлар ўтказишга кўзим етмоқда. Ўзимда ишонч жуда кучли.
Албатта, бу ерда кўпроқ қолиб, рекордлардан ўзиб кетишни, ёшларга ёрдам бериб, совринлар қўлга киритишни истайман", - деди де Хеа.

Испаниялик посбон 2011 йилдан буён "Манчестер Юнайтед"да фаолият олиб бормоқда.