24 мар 07:40
Янгиликлар
Теннис
Денис Истомин Майами “Мастерс”ида кортга чиқди
Мамлакатимизнинг биринчи ракеткаси Денис Истомин АҚШнинг Майами шаҳрида ўтказилаётган “Мастерс” сериясига кирувчи нуфузли турнирида ўз имкониятини синовдан ўтказди.
Ҳамюртимиз мусобақанинг асосий тўр баҳслари илк даврасида россиялик Андрей Кузнецовга қарши кортга чиқди. Истомин дунё рейтингида 70-ўринни эгаллаб турибди. 28 ёшли Кузнецов эса 68-поғонадан жой олган.
Теннисчилар бугунгача ўзаро икки маротаба тўқнаш келишган ва уларнинг ҳар иккисида ҳам Истоминнинг қўли баланд келганди. Афсуски, учинчи учрашувда россиялик теннисчи ғалаба қозонди.
Икки сет давом этган баҳсда Истомин рақибига 4:6, 6:7, тай-брекда 0:7 ҳисобида имкониятни бой бериб, мусобақа билан эрта хайрлашди.
Ҳавола :
Манба : olamsport.com
Фикрлар