Денис Истоминнинг Australian Open'даги кўрсаткичлари қандай?

Унда ҳамюртимиз Денис Истомин ҳам иштирок этмоқда. Денис биринчи босқичда хорватиялик теннисчи Иван Додигга қарши кортга чиқди ва ғалаба қозонди. Иккинчи босқичда унга мусобақанинг амалдаги ғолиби -  сербиялик Новак Жокович рақиблик қилади.

Биз ушбу ўйин олдидан Истоминнинг Австралиядаги "Улкан Тож"да қайд этган натижаларига назар ташлаймиз.

Истомин бунгача 10 маротаба ушбу мусобақада иштирок этган. Илк маротаба 2006 йилда турнирда қатнашган Денис мусобақани илк босқичидаёқ якунлашга мажбур бўлган.

Турнирдаги энг яхши натижасини эса 2010 ҳамда 2014 йилларда қайд этган. Ўшанда у Australian Open'нинг учинчи босқичигача боришга муваффақ бўлганди.

Йил - қайси босқичда тугатган
2006 - 1
2008 - 2
2009 - 2
2010 - 3
2011 - 1
2012 - 1
2013 - 2
2014 - 3
2015 - 1
2016 - 1
2017...

Бу йил Истомин қандай натижа кўрсата оларкин? Буни яқин орада билиб оламиз!