08 апр 19:12
Янгиликлар
Теннис
Дэвис Кубоги. Ҳиндистон - Ўзбекистон 3:0. Эртанги ўйинларга ҳожат қолмади
Ҳиндистоннинг Бангалор шаҳрида теннис бўйича норасмий жаҳон чемпионати ҳисобланган Дэвис Кубогининг Осиё-Океания минтақасидан ўрин олган учрашув бўлиб ўтмоқда.
Ҳозиргина мусобақанинг иккинчи кунидан ўрин олган жуфтликлар беллашуви якунланди. Фарруҳ Дўстов ва Санжар Файзиевдан ташкил топган жуфтлик мезбонлар Шрирам Балажи ҳамда Роҳан Бопанналарга қарши кортга чиқди.
Афсуски, бу учрашувда ҳам теннисчиларимиз мағлубият аламини тотиб кўришди. Бир соату 35 дақиқа давом этган баҳсда корт эгалари 6:2, 6:4, 6:1 ҳисобида зафар қучишди.
Кеча мусобақанинг биринчи куни яккалик баҳслари ўтказилган ва уларнинг ҳар иккисида ҳам ҳиндистонлик теннисчилар зафар қучишганди. Шу тариқа. 3:0 ҳисобида олдинга чиқиб олган Ҳиндистон терма жамоаси муддатидан аввал кейинги босқич масаласини ҳал қилди.
Ҳавола :
Манба : olamsport.com
Фикрлар