Диёра ва Гулноза Албанияга етиб борди

Хабарингиз бор, дзюдочи қизларимиз 12 кун давомида Нетанья шаҳрида Исроил аёллар терма жамоаси билан халқаро ўқув-машғулот йиғинида иштирок этган эди. Энди уларни Албанияда ташкил этиладиган халқаро ўқув-машғулот йиғини кутмоқда. Бу мамлакатдаги йиғинда Европанинг бир нечта давлат терма жамоаларининг иштирок этиши кутилмоқда. 

Эслатиб ўтамиз, ҳозирда ҳар икки дзюдочимиз ҳам Токио Олимпиадаси йўлланмалари учун кураш олиб боряпти. Исроил ва Албаниядаги ўқув-машғулот йиғинлари январь ойида Доҳада ўтадиган йилнинг дастлабки IJF турнири - Қатар "Мастерс"га тайёргарлик босқич вазифасини ўтаб беради.