Диёранинг "олтини" эвазига умумжамоа ҳисобида 3-ўриндамиз!

Қувонарлиси, -52 кг вазн тоифасидаги беллашувларда юртимиз шарафини ҳимоя қилган Диёра Келдиёрова нуфузли мусобақанинг олтин медалини қўлга киритди. Кадетлар ўртасида жаҳон чемпиони ҳисобланган Диёра олтин медаль учун кечган беллашувда сўнгги Европа чемпионатининг бронза медали соҳибаси испаниялик Эстрелла Шерифф Лопесни мағлубиятга учратди. Келдиёрова Ўзбекистон аёллар дзюдосида янги тарих саҳифасини очди. Шу кунгача ўзбекистонлик дзюдочи қизлар орасида ҳеч кимга "Катта Дубулға" турнирининг финалига етиб келиш насиб этмаганди. 

Ушбу олтин медаль эвазига Ўзбекистон терма жамоаси умумжамоа ҳисобида 92 давлат орасида 3-5 ўринларни эгаллаб турибди. Бельгия ва Япония терма жамоалари ҳисобида ҳам худди биздаги каби 1 тадан олтин медаль бор. Биттадан олтин ва кумуш медаль қўлга киритган Италия ва Канада терма жамоалар турнир жадвалида қўшҳокимлик ўрнатишган. Ўн учта давлат терма жамоалари ҳисобида камида биттадан бронза медали бор.