14 янв 15:23
Янгиликлар

Теннис

Дунёнинг 127-ракеткаси бўлган Мертенс 40-теннисчини мағлуб этиб, турнир ғолибига айланди

Австралиянинг Хобарт шаҳрида теннис бўйича WTA туркумидаги нуфузли турнир якунланди.

Ҳал қилувчи финал учрашувида руминиялик Моника Никулеску бельгиялик Элиза Мертенсга қарши кортга чиқди. Бир соату 16 дақиқа давом этган финал баҳси кутилмаган натижа билан тугади.

Дунё рейтингида 40-ўринни эгаллаб турган Никулеску 127-ракетка ҳисобланган Мертенсга 3:6, 1:6 ҳисобида имкониятни бой бериб қўйди.

Элиза ушбу муваффақиятли иштироки учун 43 минг доллар мукофот пули ҳамда 280 рейтинг очкосига эга бўлди. Қолаверса, автоматик равишда рейтингда 82-поғонага кўтарилиб олади.

ФИНАЛ

Элиса Мертенс (Бельгия) – Моника Никулеску (Руминия, 3) – 6:3, 6:1