Дунёнинг учинчи ракеткаси ғалаба билан бошлади

Аёллар ўртасидаги баҳсларда сайёрамизнинг учинчи ракеткаси Кори Гофф ўз иштирокини ғалаба билан бошлаб олди. Иккинчи даврадан курашга қўшилган америкалик иқтидор эгаси WTA рейтингида 78-поғонадан жой олган аргентиналик Надя Подорошкани ортиқча қийинчиликсиз мағлубиятга учратди - 6/1, 6/2. 

Бу теннис маликаларининг ўзаро ўтказган илк учрашуви эди. Етмиш саккиз дақиқа давом этган баҳсда Гофф 5 та эйс, 6 та қўшхато ва 4 та брейк қайл этди. Энди у Miami Open учинчи босқичида франциялик Осеан Доденга қарши кортга чиқади. Доден ўз ўрнида нидерландиялик Аранта Русдан устун келди - 6/4, 3/6, 6/3.