Дзюдо. Португалия Гран-присининг илк кунида иккита олтин медаль қўлга киритдик

Мусобақанинг илк кунида 7 нафар дзюдочимиз медаллар учун кураш олиб борди. Қувонарлиси, уларнинг икки нафари кун якунига кўра шоҳсупанинг энг юқори поғонасидан ўрин олди. Эркаклар ўртасида -60 кг вазн тоифасида Дилшод Баратов, аёллар ўртасида эса -52 кг вазнли Диёра Келдиёрова барча рақибларини мағлубиятга учратиб, олтин медални қўлга киритди. 

Ўзбек дзюдочиларининг натижаларини ушбу саҳифа орқали кузатиб боришингиз мумкин бўлди.

-52 кг: Диёра Келдиёровада ҳам ғалаба! У финалда венгриялик рақибасини оғритиш усули билан мағлуб этди! ОЛТИН МЕДАЛЬ!

-60 кг: Дилшод Баратов финалда бразилиялик Аугусто Мишелга қарши курашди ва ғалаба қозонди! ОЛТИН МЕДАЛЬ!

Финаллар:

-60 кг: Дилшод Баратов - Аугусто Мишель (Бразилия) 22:25 дан сўнг

-52 кг: Диёра Келдиёрова - Пупп Река (Венгрия) 22:50 дан сўнг

ЯНА БИР ФИНАЛЛЛ!!! -66 кг вазн тоифасида Дилшод Баратов озарбайжонлик рақибини мағлуб этди ва финалга чиқди!

ФИНАЛЛЛЛ!!! -52 кг вазнли Диёра Келдиёрова ярим финалда нейтрал мақомда қатнашаётган россиялик рақибасини мағлуб этди ва финалга йўл олди!

-52 кг вазн тоифасида Сита Қадамбоева ўтиш жангида кореялик рақибасига имкониятни бой берди ва медаль учун имкониятни йўқотди. 

-60 кг вазнли Дилшод Баратов Хитой Тайпейи вакилини 45 сония ичида мағлуб этди ва ярим финалга чиқди! Рақиб Ве Юнг Янг Токио Олимпиадаси кумуш медаль соҳиби ҳисобланарди!

-52 кг: Сита Қадамбоева афсуски чорак финалда венгриялик рақибасига ютқазди. Энди у бронза медали учун курашни давом эттиради. 

-52 кг: Диёра Келдиёрова чорак финалда кореялик рақибасини муддатидан олдин мағлубиятга учратди ва ярим финалга йўл олди!

-52 кг: Сита Қадамбоевада ҳам ғалаба! У австриялик рақибасини иппон баҳоси билан мағлубиятга учратди ва чорак финалга чиқди!

-60 кг: Дилшод Баратов учинчи босқичда испаниялик рақибини Golden Score'да чиройли тарзда мағлубиятга учратди ва тўртинчи даврага йўл олди. 

-52 кг: Диёра Келдиёрова германиялик рақибасини иппон эвазига мағлуб этди. 1/4 финал!

-57 кг: Шукуржон Аминова словакиялик рақибасига мағлуб бўлди. У Golden Score'да 4 дақиқадан ортиқ курашганди. Афсуски якунда имкониятни бой берди. 

-66 кг: Муҳриддин Тиловов озарбайжонлик рақибига имкониятни бой берди. 

-52 кг: Сита Қадамбоева Кабо-Верде вакиласини иппон эвазига мағлубиятга учратди!

-48 кг: Афсуски Ҳалима Қурбонова иккинчи жангида япониялик Хикари Йошиокага мағлуб бўлди. 

-60 кг: Дилшод Баратов португалиялик дзюдочидан устун келди. 

-57 кг: Шукуржон Аминова биринчи даврада гвинеялик рақибасини мағлуб этди. Энди у Словакия вакиласига қарши татамига чиқади.  

-57 кг: Нилуфар Эрмагамбетова илк босқичда болгариялик рақибасига ютқазиб қўйди. 

-52 кг: Диёра Келдиёрова иштирокини иккинчи босқичдан бошлади. У ҳиндистонлик рақибасини мағлуб этди. Навбатдаги рақиб Германиядан бўлади. 

-48 кг: Ҳалима Қурбонова илк босқичда вьетнамлик рақибасини мағлуб этди ва иккинчи босқичга йўл олди. Энди у иккинчи даврада япониялик Хикари Йошиокага қарши курашади. 

Бугун мусобақада иштирок этадиган спортчиларимиз ва уларнинг дастлабки рақиблари: 

-60 кг: Дилшод Баратов – Эмерсон Силва (Португалия) / Ариэл Шулман

-66 кг: Муҳриддин Тиловов – Кемран Сулейманов (Озарбайжон) / Александр Букур (Португалия)

-48 кг: Ҳалима Қурбонова – Тхи Хоанг (Ветнам)

-52 кг: Диёра Келдиёрова – Шрадха Чопаде (Ҳиндистон)

-52 кг: Сита Қадамбоева – Жамила Силва (Кабо-Верде)

-57 кг: Нилуфар Эрмаганбетова – Ивелина Илиева (Болгария)

-57 кг: Шукуржон Аминова – Мариана Эстевес (Гвинея)