Екатеринбургдаги профи бокс кечасида уч ҳамюртимиз ғалаба қозонди

Россиялик промоутерлар томонидан ташкил этилган бокс оқшомида уч нафар ўзбекистонлик профессионал боксчилар ҳам ўз рейтинг жангларини ўтказишди. 

Қувонарлиси, уларнинг уччаласи ҳам рақибларини мағлубиятга учратишга муваффақ бўлди. Достонбек Турдиев профессионал фаолиятидаги учинчи жангида россиялик Сергей Даниловни таслим этди. 

Жаҳонгир Қурбонов яна бир мезбон боксчи Анис Абдуллинни енгди. Учинчи боксчимиз Ферузбек Йўлдошев озарбойжонлик Мусайиб Асадовдан устун келди. Жангларнинг барчаси тўрт раунддан иборат бўлди.