15 июн 12:09
Янгиликлар

Тадбирлар

“Экопарк”да юриш марафони ўтказилди ЁРҚИН ФОТОГАЛЕРЕЯ

Бугун Мирзо Улуғбек туманидаги “Экопарк”да “Миллий тикланиш” демократик партияси Тошкент шаҳар кенгаши ташаббуси билан “Спорт - саломатлик гарови!” шиори остида юриш марафонини ўтказилди.

Ўзбекистон Республикаси Президентининг 2018 йил 18 декабрдаги “Юқумли бўлмаган касалликларнинг профилактикасини, соғлом турмуш тарзини қўллаб-қувватлаш ва аҳолининг жисмоний фаоллиги даражасини ошириш чора-тадбирлари тўғрисида”ги қарорига мувофиқ аҳоли ўртасида соғломлаштириш акцияларини ўтказиш анъана тусига кириб бормоқда.

Ҳафтанинг ҳар душанба куни “Миллий тикланиш” демократик партиясининг барча ташкилотларида спорт куни, дея эътироф этилган.

Бугун “Экопарк”да “Спорт - саломатлик гарови!” шиори остида ўтказилган юриш марафонида партия фаоллари билан бирга Халқ депутатлари Тошкент шаҳар ва туман Кенгашларига сайланган депутатлар ҳам фаоллик кўрсатдилар.