Энди музей кўргазмалари ҳузурингизга келади

«Аҳолининг кенг қатлами, шунингдек, ўқувчи-ёшлар орасида давлат музейларида сақланаётган миллий моддий маданий мерос бойликлари, жумладан археологик, амалий санъат, нумизматика, литографик ва бошқа экспонатларнинг фото ва кўчма кўргазмалари ҳақида тарғибот тадбирларини ташкил этиш бўйича чора-тадбирлар режаси»га мувофиқ Олимпия шон-шуҳрати музейи жамоаси пойтахтимизнинг Олмазор туманидаги 134-сонли умумтаълим мактабига ташриф буюрди.

Бу ерда Ҳуқуқни муҳофаза қилиш органларига қарашли Қўл жанги федерацияси тасарруфидаги қўл жанги тўгараги аъзолари учун музей кўчма кўргазмаси ҳамда ноёб музей ашёлари ва коллекциялари асосида тайёрланган ролик намойиш этилди.

Тадбирда тўгарак раҳбари, қўл жанги бўйича икки карра Осиё ҳамда бир маротаба жаҳон чемпиони, спорт устаси Жамшид Умаров ҳамда унинг қўл остида шуғулланиб келишаётган ўқувчи-ёшлар иштирок этди.

Тадбир доирасида кўчма кўргазма экскурцияси ҳам ташкил этилди. Бўлажак чемпионлар иштирокида турли спорт мусобақалари ташкил этилди. Ғолиблар музей жамоаси томонидан эсдалик совғалари билан тақдирланди.

Тадбирдан лавҳалар: