Эртага Ҳиндистон - Ўзбекистон баҳси, Истомин жароҳат сабаб ёрдам бера олмайди

Унда Ҳиндистон ва Ўзбекистон терма жамоалари ўзаро тўқнаш келишади. Бугун баҳсларга қуръа ташлаш маросими бўлиб ўтади. Бешта ўйиндан иборат учрашувлар 7-9 апрель кунлари ўтказилади. 

Афсуски, терма жамоамизда катта йўқотиш бор. Мамлакатимизнинг биринчи ракеткаси Денис Истомин жароҳат сабаб ҳиндистонлик теннисчиларга қарши учрашувда бизга ёрдам бера олмайди.

Айни пайтда Истомин Тошкентда бўлиб турибди. Унинг товон қисмидан олган жароҳати бироз жиддийроқ бўлиб чиқди. Терма жамоа бош мураббийи Петр Лебед сўнгги кунларгача Истоминнинг ўйнай олишига умид қилганди. Аммо, шифокорлар  Дениснинг ўйнашига рухсат беришмади.

Албатта, бу ерда теннисчининг соғлиғи биринчи ўринда туради. Бангалор кортларида уч нафар теннисчимиз Санжар Файзиев, Темур Исмоилов ва Жўрабек Каримов юртимиз шарафини ҳимоя қилади.