Евро-2016. Португалия илк ғалабаси эвазига финалга чиқди

Унда Португалия терма жамоаси мусобақа кашфиётига айланган Уэльсдан 2:0 ҳисобида устун келди. Бу билан Португалия Евро-2016да 90 дақиқа мобайнидаги биринчи ғалабасини қўлга киритди ва бу ғалаба жамоани финалга олиб чиқди.

Криштиану Роналду 50-дақиқада ҳисобни очган бўлса, орадан 3 дақиқа ўтиб, Луши Нани ҳисобни йириклаштирди. Иккинчи ярим финал жуфтлигида Германия ва Франция терма жамоалари ўзаро муносабатларига ойдинлик киритиб олишади.

Евро-2016. Ярим финал.

ПОРТУГАЛИЯ – УЭЛЬС 2:0

Лион. “Стад де Лион”

Голлар: К.Роналду 50, Нани 53

Португалия: Руи Патрисиу, Седрик Соареш, Жозе Фонте, Бруно Алвеш, Рафаэль Геррейру, Данило, Жоау Мариу, Адриан Силва (Жоау Моутиньо 79), Ренато Саншеш (Андре Гомеш 74), Нани (Рикардо Куарежма 87), Криштиану Роналду.

Уэльс: Уэйн Хеннесси, Кристофер Гантер, Жеймс Честер, Жеймс Коллинз (Жонатан Уильямс 66), Эшли Уильямс, Нил Тейлор, Жо Аллен, Жо Лэдли (Сэм Воукс 58), Эндрю Кинг, Хэл Робсон-Кану (Саймон Черч 63), Гарет Бэйл.

Бош ҳакам: Йонас Эрикссон (Швеция)

Огоҳлантиришлар: Б.Алвеш 71, К.Роналду 72 – Ж.Аллен 8, Ж.Честер 62, Г.Бэйл 88