Евро-2016. Ярим финал ўйинларини бошқарадиган ҳакамлар маълум

Унга кўра, Португалия – Уэльс терма жамоалари ўртасидаги биринчи ярим финал учрашувини бошқариш швециялик Юнас Эрикксонга ишониб топширилди. Бу ўйин 6 июль куни Лион шаҳрида бўлиб ўтади. Эрикксон учун бу Евро-2016 доирасидаги учинчи ўйин бўлади. Бунга қадар у Туркия – Хорватия (0:1) ва Уэльс – Россия (3:0) учрашувларини бошқарганди.

Франция ва Германия терма жамоалари ўртасидаги иккинчи ярим финал баҳсида эса италиялик рефери Никола Риццоли ҳакамлик қилади. Бу учрашув 7 июль куни Марсель шаҳрида ўтказилади. Риццоли бунгача Англия – Россия (1:1), Португалия – Австрия (0:0) ҳамда Франция – Ирландия (2:1) ўйинларида бош ҳакам вазифасини бажарди.