24 июн 13:30
Янгиликлар

Футбол

Фалькао “Челси”га тўғри келмади ва “Монако”га қайтди

Колумбия терма жамоаси ҳужумчиси Радамель Фалькао яна ўз клуби “Монако” сафига қайтди.

Фалькао ўтган мавсумни Лондоннинг “Челси” клуби таркибида ижара асосида ўтказган эди. “Аристократлар” футболчини сотиб олиш ҳуқуқидан фойдаланмасликни лозим топишди.

Радамелнинг Англиядаги ишлари ўзи хоҳлагандек юришмади. У аввалига “Манчестер Юнайтед”, кейин эса “Челси”да ўз ўрнини топа олмади. “Челси” таркибида у бор йўғи 12та учрашувда майдонга тушиб, биттагина гол киритди, холос. Колумбиялик футболчининг “Монако” билан шартномаси 2018 йилгача тузилган.