Фарғона “Челленжер”ида биргина Файзиев қолди

Асосий тўр баҳсларида 5 нафар теннисчимиз ўз иштирокини бошлаган эди. Улардан биргина Санжар Файзиев қолди. Қолган барча теннисчиларимиз рақибларига имкониятни бой беришди. Бугун Файзиев илк давра учрашувида Дмитри Попкога қарши кортга чиқади.

Ҳумоюн Султонов илк даврада сербиялик Никола Миложевичга 4:6, 2:6, Шониғматжон Шофайзиев франциялик Садио Доумбиога 7:6, 4:6, 2:6, Темур Исмоилов бельгиялик Жульен Дубаилга 1:6, 6:3, 2:6, Жўрабек Каримов эса турнирнинг учинчи ракеткаси россиялик Александр Кудрявцевга 2:6, 4:6 ҳисобида ютқазиб қўйди.

Мусобақа ғолиби 7,200 доллар мукофот пули ҳамда 90 рейтинг очкосига эга бўлади. Финалчи 4,240 доллар ҳамда 55 долларни қўлга киритади. Биринчи даврада кортга чиққан барча теннисчилар ўз ҳамёнларини 520 долларга бойитиб олишади.