23 мар 11:35
Янгиликлар
Теннис
Файзиев - Шофайзиев жуфтлиги Баҳрайн турнирининг ярим финалида
Баҳрайнда теннис бўйича “Фьючерс” туркумига кирувчи, соврин жамғармаси 15 000 АҚШ долларидан иборат бўлган турнирнинг асосий тўр баҳслари давом этяпти.
Ушбу мусобақада Санжар Файзиев ва Шониғмат Шофайзиевдан иборат ўзбекистонлик теннисчилар жуфтлиги муваффақиятли одимлаяпти. Улар турнирнинг жуфтликлар баҳсида ярим финал йўлланмасини қўлга киритишди.
Учинчи рақамли жуфтликни ҳосил қилган ҳамюртларимиз чорак финал учрашувида қатарлик Жаббор Муҳаммад Ал Мутава ҳамда америкалик Камерон Силверман тандемини 6:4, 6:2 ҳисобида мағлуб этишди.
Бугун Файзиев ва Шофайзиев финал йўлланмаси учун кортга чиқишади. Уларнинг ярим финалдаги рақиблари филиппинлик Франсис Алкантара ва зимбабвелик Бенжамин Лок жуфтлиги бўлади.
Ҳавола :
Манба : olamsport.com
Фикрлар