ФОТО. Ҳамюртимиз MGM Grand аренасида чемпионлик жангида рингга чиқади

Ҳаваскор боксда Ўзбекистон чемпиони бўлган Шерали Мамажонов ўз омадини АҚШ профессионал рингларида ҳам синаб кўришга қарор қилган. Мамажонов АҚШнинг Флорида штати Орландо шаҳрида мураббий Дан Кото қўл остида машғулотларда иштирок этяпти.

28 январь куни ҳамюртимиз АҚШ заминидаги илк жангини ўтказади. Унинг рақиби америкалик Дэвид Бенавидис бўлади. Шерали профессионал фаолиятида 15та жанг ўтказиб, рақибларини 8 бор нокаутга учратган.

Унинг рақиби эса анча кучли боксчи ҳисобланади. Бенавидис 16та жангнинг 15тасида рақибларини нокаут эвазига мағлубиятга учратган. Ўз вазн тоифасида дунёнинг 20 нафар кучли боксчиси қаторида эътироф этилади.

Эътиборлиси, ушбу жанг АҚШнинг Невада штати Лас-Вегас шаҳридаги муҳташам MGM Grand аренасида бўлиб ўтади. Боксчилар қитъалараро WBC чемпионлик камари учун рингга кўтарилишади.