21 дек 09:25
Янгиликлар
Бокс/ММА
ФОТО. Ҳамюртимиз “Йилнинг энг яхши жамоаси”га соврин топширди
Швейцариянинг Монтре шаҳрида бўлиб ўтган AIBAнинг 70 йиллик юбилей тадбирида Ҳасанбой Дўсматовдан ташқари яна бир ҳамюртимиз ҳам иштирок этди.
Аниқроғи, AIBA ижроия қўмитаси аъзоси, Осиё бокс конфедерацияси вице-президенти, Ўзбекистон бокс федерацияси раисининг биринчи ўринбосари Шерзод Тошматов WSB йўналиши бўйича йилнинг энг яхши жамоасига мукофотни топширди.
Кубанинг “Cuba Domadores” жамоаси 2016 йилнинг энг яхши жамоаси деб топилди. Айнан ушбу Куба бокс жамоаси олтинчи маротаба ўтказилган WSB мусобақаси ғолибига айланган эди.
Эслатиб ўтамиз, WSB йўналишининг VI мавсуми финали шу йилнинг 4 июнь куни пойтахтимиздаги “Ўзбекистон” спорт мажмуасида бўлиб ўтганди. Унда “Cuba Domadores” жамоаси Буюк Британиянинг “British Lionhearts” жамоаси устидан ғалаба қозониб чемпион бўлган эди.
Ҳавола :
Манба : olamsport.com
Фикрлар