ФОТО. Мамажонов - Бенавидис. Боксчилар MGM Grand аренасида тарозидан ўтишди

Эътиборга молик жиҳати шундаки, бокс оқшомида ҳамюртимиз Шерали Мамажонов рингга кўтарилади. Унинг рақиби америкалик Дэвид Бенавидис бўлади. Боксчилар қитъалараро WBC чемпионлик камари учун рингга чиқишади.

Шерали профессионал фаолиятида 15та жанг ўтказиб, рақибларини 8 бор нокаутга учратган. Унинг рақиби эса 16та жангнинг 15тасида рақибларини нокаут эвазига мағлубиятга учратган. Ўз вазн тоифасида дунёнинг 20 нафар кучли боксчиси қаторида эътироф этилади.

Ҳаваскор боксда Ўзбекистон чемпиони бўлган Шерали Мамажонов ўз омадини АҚШ профессионал рингларида синаб кўришга қарор қилган. Мамажонов АҚШнинг Флорида штати Орландо шаҳрида мураббий Дан Кото қўл остида машғулотларда иштирок этяпти.

Бугун боксчилар тарозидан ўтиш маросимида қатаншишди. Ҳар иккала боксчи ҳам белгиланган вазн (76 кг)ни қайд этишди.