ФОТО. Менезнинг қулоғини узиб олишди

Икки кун аввал “Бордо” клубига трансфер қилинган Менез янги жамоаси сафидаги ўртоқлик учрашувида ўзини “кўрсатиш”га муваффақ бўлди. “Лорьян” клубига қарши кечган ўртоқлик учрашувининг 59-дақиқасида 29 ёшли француз захирадан майдонга туширилди.

Майдонда пайдо бўлганидан 18 дақиқа ўтиб, рақиб футболчиси Дидье Ндонг билан тўқнашиб кетди. Аниқроғи, Ндонг Менезнинг қулоғини босиб кетди. Натижада Жереми қулоғининг бир қисми узилиб тушди.

Клуб шифокорларининг айтишича, футболчи жарроҳлик столига ётади. Ўйиннинг ўзи “Бордо”нинг 3:1 ҳисобидаги ғалабаси билан якунланди.

Дидье Ндонг эса ўйиндан кейин жабрланувчидан кечирим сўради: “Жереми Менез ва “Бордо” клуби вакилларидан узр сўрайман. Буни атайин қилмадим. Ўйлайманки, жароҳат тезда битади ва Лига 1 учрашувларида у билан яна учрашамиз”.