ФОТО. Riga Open. 4та олтин, 1та кумуш қўлга киритилди, умумжамоа ҳисобида ҳам биринчимиз!

Анъанавий тарзда ўтказиб келинаётган Riga Open мусобақасида МДҲ ҳамда яқин хориж мамлакатлари боксчилари иштирок этишди. Улар орасида Ўзбекистон терма жамоаси чарм қўлқоп усталари ҳам бор эди.

Қувонарлиси, терма жамоамизнинг беш нафар аъзоси ҳам совриндордан сафидан жой олди. Абдулхай Шорахматов, Элнур Абдураимов, Маҳмуд Ғоипов ва Баҳодир Жалолов финал жангларида рақибларини мағлуб этиб, олтин медални қўлга киритишди.

52 кг вазн тоифасида рингга кўтарилган Сирожиддин Ғуломжонов эса финалда мағлуб бўлиб, кумуш медал билан тақдирланди. 

Турнир якунида умумжамоа ҳисобида Ўзбекистон терма жамоаси боксчилари 4та олтин ва 1та кумуш медал билан биринчи ўринни эгаллашди.

Суратлар муаллифи - Ҳумоюн Давронов (Рига шаҳридан)