19 сен 07:40
Янгиликлар

Токио-2020

ФОТО. Риода Паралимпия ўйинларининг ёпилиш маросими бўлиб ўтди

Хабар берганимиздек, Бразилиянинг Рио-де-Жанейро шаҳри мезбонлик қилган Паралимпия ўйинлари тарих саҳифаларидан жой олди.

Тўрт йилликнинг энг нуфузли мусобақасида 5та спорт турида 32 нафар спортчи билан иштирок этган паралимпиячиларимиз якунда тарихий натижани қайд этишди. Ана шу 32 нафар спортчимиз мусобақада жами 31та медални қўлга киритди.

Медаллардан 8тасининг олтин эканлиги ҳар биримизга фахру ифтихор бахш этади. Шунингдек, терма жамоамиз ҳисобида яна 6та кумуш ҳамда 17та бронза медали ҳам бор. Якунда 16-ўринни эгалладик.

Бундан бир неча дақиқа аввал Рио Паралимпия ўйинларининг тантанали ёпилиш маросими бўлиб ўтди. “Маракана” стадионида ўтган маросим чоғида Паралимпия ўйинларининг байроғи Япониянинг Токио шаҳрига тантанали равишда топширилди.