23 дек 19:05
Янгиликлар
Теннис
ФОТО. Сабина Шарипова Анқарадаги турнир вице-чемпиони!
Туркиянинг Анқара шаҳрида давом этаётган теннис бўйича “Фьючерс” туркумига кирувчи турнир ўзининг ҳал қилувчи палласига кирди.
Соврин жамғармаси 50 000 АҚШ долларини ташкил қилувчи ушбу мусобақада ҳамюртимиз Сабина Шарипова ҳам муваффақиятли тарзда иштирок этди.
Бугун мамлакатимизнинг биринчи рақамли теннисчиси жуфтликлар мусобақасида бош мукофот учун кортга чиқди. Сабина россиялик Екатерина Яшина билан тандем хосил қилганди.
Улар бугунги ҳал қилувчи финал учрашувида россиялик Анна Бинкова ҳамда беларуслик Лидия Марозова билан ҳисоб-китоб қилишди.
Драматик кечган баҳсда Сабина ва Екатерина рақибларига 6:4, 3:6, тай-брекда 9:11 ҳисобида имкониятни бой бериб, турнир вице-чемпионига айланишди.
Ҳавола :
Манба : olamsport.com
Фикрлар