Ғоибназаровнинг илк рақиби ҳақида тўлиқ маълумот

Виктор Васкес - 1995 йилнинг 29 октябрь куни АҚШнинг Нью-Йорк шаҳрида дунёга келган. 21 ёшли боксчи профессионал боксдаги фаолияти давомида 9та жанг ўтказган.

Ана шу жангларининг 7тасида рақибларини мағлубиятга учратган. Нокаут эвазига ғалаба қозонган жанглари сони 3тани ташкил қилади. Икки маротаба мағлубият аламини тотиб кўрган. Бир бор нокаутга учраган.

Виктор профессионал рингдаги илк жангини 2014 йилнинг 22 март куни ўтказган. У ўша куни Оскар Диасни мағлубиятга учрата олган. Васкес ўзининг сўнгги жангини шу йилнинг 11 март куни Майк Фаулерга қарши ўтказиб, рақибини бешинчи раундда нокаутга учратганди.

Эслатиб ўтамиз, Ғоибназаров - Васкес жанги 22 апрель куни АҚШнинг Калифорния штати Карсон шаҳридаги StubHub Center аренасида бўлиб ўтади.