Головкин 15 млн $ олади, Исроилнинг гонорари кўплиги бўйича учинчи ўринда! (барча гонорарлар)

Табиийки, “Мэдисон Сквер Гарден” аренасида ўтган бокс кечасининг марказий жанги қаҳрамони, ўрта вазнда собиқ жаҳон чемпиони Геннадий Головкин энг катта гонорарга эга бўлди. Канадалик Стив Роллзни нокаутга учратган қозоғистонлик боксчининг гонорари соф 2 миллион долларни ташкил этди.

Лекин қўшимча бонуслар, трансляциядан тушадиган улушни ҳам ҳисобласак, ушбу сумма 15 миллион доллар атрофида бўлиши ойдинлашади. Бу маълумотни ESPN телеканали расмийлари ҳам тасдиқлашди. Нокаутга учраган Стив Роллзнинг расмий гонорари 300 000 доллар бўлди.

Эътиборингизга оқшомнинг қолган барча иштирокчилари учун кафолатланган гонорарлар миқдорини ҳавола қиламиз. Рақибини нокаутга учратган Исроил Мадримов бу рўйхатда Головкин ва Роллздан кейин учинчи бўлди. 

Боксчилар учун кафолатланган гонорарлар:

Исроил Мадримов — 48 000 доллар

Маркус Макдэниэл — 45 250

Али Аҳмедов — 25 000

Брайан Себальо — 25 000

Чарльз Конуэлл — 15 000

Норберто Гонсалес — 15 000

Кортни Пеннингтон — 13 5000

Бахтияр Эюбов (Қозоғистон) — 8000

Никита Абабий — 8000 

Хуан Франсиско Лопес Барахас — 3500