05 сен 16:35
Янгиликлар
Ғулом Абдуллаев – Жаҳон чемпионатининг бронза медал совриндори
Бу ҳақида Ўзбекистон спорт курашлари ассоциацияси матбуот хизмати хабар бермоқда. 55 кг вазн тоифасида гиламга чиққан ҳамюртимиз бронза медали учун кечган баҳсда япониялик Такуми Таширодан 10:8 ҳисобида устун келди.
Абдуллаев нимчорак финал учрашувида арманистонлик Мхитар Григорянни 11:4 мағлуб этди. Чорак финалда озарбайжонлик Афган Хашаловга 6:9 ҳисобида ютқазди. Хашалов финалга чиққанлиги сабабли курашчимиз ўтиш ҳамда бронза медали учун кечган учрашувларда гиламга чиқди. Ўтиш юаҳсида ҳиндистонлик Кумар Равини 12:7 ҳисобида енгди.
55 кг. 1 – Афган Хашалов (Озарбайжон), 2 – Хасанхусейн Бадрудинов (Россия), 3 – Ғулом Абдуллаев (Ўзбекистон), 3 – Датон Фикс (АҚШ).
Яна бир ҳамюртимиз Мажид Муродов эса 84 кг тоифасидаги баҳсларда бешинчи ўрин билан кифояланди. Шу тариқа, спорт кураши вакиллари Макондаги жаҳон чемпионатида 2та медални қўлга киритишди. Мусобақанинг биринчи куни юнон-рум курашчимиз Илҳом Баҳромов 50 кг вазнда кумуш медал билан тақдирланган эди.
Фикрлар