Ҳасанбой Дўсматов тарозига чиқди, қолган боксчиларимиз ҳам

Айни дақиқаларда эртанги бокс оқшоми иштирокчиларини тарозидан ўтказиш маросими ўтказиляпти. Рио Олимпиадаси чемпиони Ҳасанбой Дўсматов эртага проф боксдаги учинчи жангини танзаниялик Муҳсин Кизотага қарши ўтказади. Тарозида ҳар иккала боксчи ҳам бир хил - 48.7 кг тош босди.

Маълумот учун, Кизота фаолияти давомида 13 та жангда иштирок этган бўлиб, 11 ғалаба, 2 мағлубият қайд этган. Мазкур тўқнашув вакант қолган WBА International камари учун кечади. Жанг давомийлиги 10 раунд қилиб белгиланган. 

Ҳасанбойдан аввал Иқболжон Холдоров - 69 кг, унинг рақиби Кулва Бушири -68.8 кг, Санжар Турсунов - 91.2 кг, украиналик Иван Юхта - 89.4 кг вазнга эга экани маълум бўлди.