09 сен 09:19
Янгиликлар
Теннис
Ҳумоюн Султонов US Open турнирининг 1/4 финалига чиқди
Истеъдодли теннисчимиз Ҳумоюн Султонов АҚШнинг Нью-Йорк шаҳрида давом этаётган йилнинг тўртта нуфузли турниридан бири бўлган US Open турнирининг ўсмирлар ўртасидаги баҳсларида чорак финалга чиқди.
Ҳамюртимиз нимчорак финал учрашувида Корентин Моутетни уч сет натижасига кўра мағлуб этди. Франциялик бу теннисчи асосий тўрга имтиёзли йўлланма асосида қўйилганди. Корентин иккинчи босқичда турнирнинг 16-ракеткаси германиялик Луис Весселсни 6:3, 5:7, 7:6(4) ҳисобида таслим этган эди.
Дастлабки сетни тай-брекда 6:7(3) ҳисобида бой берган ҳамюртимиз кейинги икки сетда 7:5, 6:4 ҳисобида зафар қучди. Энди Султонов ярим финал чиптаси учун кечадиган учрашувда турнирнинг еттинчи ракеткаси япониялик Йосуке Ваттанукега қарши кортга чиқади.
Ҳавола :
Манба : olamsport.com
Фикрлар